PROXECTO TRANSFRONTEIRIZO VILANOVA DE CERVEIRA- TOMIÑO

O pasado mércores 3 de abril participamos o alumnado de 6º con Gallaecia (Universidade de  Arquitectura en Vilanova de Cerveira) en dúas actividades de deseño xeométrico e plástico. Moitas grazas aos mestres polo tempo e ben facer dedicado. Foi un día estupendo.

Compartimos esta actividade co CEIP Pedro Caselles.

ENTROIDO NA 100CIA 
2019

Este ano a investigación científica chegou ao noso entroido coa astronomía, oceanografía, cinematografía,...
Aquí deixamos unha pequena mostra dos disfraces que este ano estiveron inspirados na investigación e na ciencia,

DÍA DE ROSALÍA- 24 de febreiro

Hoxe celebramos todo o cole o Día de Rosalía. O mural de Rosalía e as súas poesías en bolboretas e flores chegaron dende moito tempo atrás para enchernos de fermosos versos.

Despois de que cada neno e nena fixera a súa poesía e colgara no mural, reunímonos todos/as no 1º andar do cole para presentar  á nosa poetisa e dar lectura pública a poemas da súa obra.

Esta foi a presentación realizada polos nenos e nenas de 6º:

Hai 182 anos que naceu Rosalía de Castro no Hospital Real en Santiago un 24 de febreiro de 1837. Falecería  48 anos despois deixándonos unha obra poética e prosa impresionante, que nin ela puido sospeitar sequera o que significaría para moitas persoas.

Os seus poemas, os seus cantares, acompañaron, dende aquela, a cultura deste país.

 Escribir en galego na época en que viviu Rosalía non era nada fácil por moitos motivos pero sobre todo porque a lingua galega era moi pouco valorada e desprezada. 

As súas tres obras clave foron Cantares gallegos, Follas novas y En las orillas del Sar.

Foi o 17 de maio de 1863 cando Manuel Murguía fixo entrega á imprenta viguesa de Compañel o manuscrito rosaliano de Cantares Gallegos, e dende 1963 a Real Academia Galega empregou esta data para homenaxear a aquelas persoas que destacasen pola súa creación literaria en idioma galego e pola defensa desta lingua. 

Este ano 2019 será  Antón Fraguas o homenaxeado nas Letras Galegas.

Pero volvamos a Rosalía, para dicir que a súa poesía se caracterizou por ser intimista, pesimista e a súa vez pola defensa do popular, da cultura e da lingua galega.

A Rosalía lle doía a pobreza de Galicia e lamentábase da perda que supoñía a emigración dos galegos.

Neste día de celebración da máis internacional poetisa galega queremos convidarvos en primeiro lugar á lectura pública, aquí entre todos e todas, de poemas de Rosalía e despois a cantar todos xuntos Rosalía pequeniña.

FEBREIRO

Benvida ao cole a Xavier Blanco e Marisa Fernández que nos achegan instrumentos musicais e esteiróns feitos en cana. 

Hai uns días que Xavier Blanco estivo no cole ensinándonos e facéndonos partícipes das creacións de instrumentos vellos que posúe, máis de mil, e dos elaborados coa cana.  Foi espectacular, e cando marchaba díxonos a todos que non era el quen estivera no cole, senón todos os avós e avoas e antepasados que fixeron posible a súa sabedoría e ben facer. Bravo Xavier!

E tamén, como non, Marisa ensinounos a facer e para que servían os esteiróns feitos coa folla da cana. Cantas cousiñas aprendemos con esta arte. 

Moitas grazas aos dous por compartir tanto saber.

SAMAÍN

O pasado 31 de outubro achegámonos á festa do Samaín. Este ano a través de obradoiros convertémonos en científicos/as de medo. Para iso e por aulas fomos pasando por Lupas, Maquillaxe, Perruquería, Instrumentos e símbolos químicose Batas.

A transformación fíxose evidente xa ao entrar nos primeiros obradoiros.

Contamos coa fantástica colaboración de mestres e o alumnado de sexto nos distintos obradoiros. 

Para rematar o día proxectamos a película de Coco. 

IV CARREIRA BARRANTIÑA E MAGOSTO

Outro curso escolar que comezou e xa celebramos as festas de outono. As familias decoraron coma sempre a nosa escola con espectaculares cabazas científicas inspiradas este ano o proxecto de centro Con100cia. 

Gracias por toda esa estupenda mostra de arte familias.

O pasado venres 26 de outubro compartimos coas familias a popular IV Carreira Barrantiña, este ano solidaria coa asociación Bicos de Papel que é unha organización de axuda aos nenos e nenas oncolóxicos do Hospital Álvaro Cunqueiro e ás súas familias. Enmarcada dentro do proxecto de centro, os cartos conseguidos serán destinados a esta asociación (https://bicosdepapel.org).

Gracias a todos e todas pola vosa participación e axuda.

Despois da carreira un merecido magosto en compañía das nosas familias, os mestres e mestras e os nosos e nosas peques que fan que as castañas teñan moito mellor sabor.